CAX玩家論壇  

返回   CAX玩家論壇 > 休閒閒聊區 > 心靈點滴
註冊 論壇輔助說明 會員名單 行事曆事件 標記討論區已讀 統計

回覆
 
主題工具
舊 2018-03-15   #1
benjamin11
助理工程師
 
註冊日期: 2016-11-07
文章: 25
聲望力: 0
聲望: 11 benjamin11 正向着好的方向發展
預設 我係一個讀緊法律系嘅學生

1.
我係一個讀緊法律系嘅學生,讀到最尾嗰一年,我哋通常都要出去搵實習,實習半年之後返番學校。
搵實習係一場飢餓遊戲,唔係你死就我亡嘅大戰,乜嘢同窗之情,友誼乜乜乜乜,都可以抹晒佢。有實習唔代表你可以平步青雲,但冇實習就肯定只有死路一條。
今日我同我幾十個同學一齊去到mwc律師樓面試,mwc律師樓出名做房地產、訴訟遺產承辦同一般民事商業事務,係行內一間幾有信譽嘅律師樓,而且規模大,規模大即係多生意,多生意即係有機會有啲細野比實習生做。所以我哋一行十幾人全部戰鬥格咁上到去mwc律師樓。
2.
mwc律師樓喺中環德輔道中141號中保集團大廈,一入到去已經有好多其他大學嘅學生喺度等緊面試,仲有幾個外籍學生,我探頭睇睇入邊,面試嘅竟然係mwc律師樓其中幾個主要嘅律師,我心諗,今次仆街啦,律師會親自出嚟揀見習生,即係代表佢好想有人跟住佢,自己親自揀徒弟啊。通常呢啲面試都會好刁鑽,考下你究竟有幾多實力,同睇吓你真正嘅意向,究竟係想做一個民事訴訟嘅律師,定係刑事等等,有時候當下嘅依個決定,就好影響你之後嘅職業生涯,所以一定要坦白。
3.
雖然冇實習係會好慘,但如果揀咗一條唔係你自己想行嘅路,會仲慘,不過我哋上得mwc律師樓,都好清楚佢係一間做開民事商業事務嘅律師樓,所以基本上全部都做足晒功課。
我自己都係依方面花咗唔少功夫,畢竟mwc律師樓都算叫做係我最後希望,我個樣生得唔醒目,咩都普普通通,細細個就成日俾人笑我淨係識得睇書。
眼見一個又一個同學入咗去,個個都唔同樣出返嚟,有啲就充滿自信,有啲就一副「都係要再搵過實習」嘅嘴臉。我完全估唔到mwc律師樓究竟想要一個乜嘢嘅實習生。
4.「陳健康,到你啦入嚟啦。」
我經過一個又一個嘅同學,好似摩西分紅海咁,但我feel到佢哋對我嘅眼神係充滿着不屑,覺得依咁嘅人都係佢哋對手?但我今日臨出門口時,我媽咪同我講,「仔,唔好理人點睇,你有你自己嘅路行,你專心咁行就可以。」
我入到房,幾個mwc律師樓嘅主要律師全部坐晒係我面前,有個睇落去好惡嘅麥律師,有個肥嘅,睇落去好祥和嘅張律師,仲有個目無表情嘅吳律師。
我做咗一啲好簡單嘅自我介紹之後,佢哋就開始問一啲深入嘅問題。
benjamin11 目前離線   回覆時引用此篇文章
回覆


目前檢視此主題的會員: 1 (0 位會員和 1 位遊客)
 
主題工具

發表文章規則
不可以發表新主題
不可以回覆主題
不可以上傳附件
不可以編輯您的文章

開啟 vB 代碼
關閉 HTML 程式碼
論壇跳轉


所有時間均為中原標準時間。現在的時間是 05:45 PM


Powered by vBulletin® 版本 3.6.7
版權所有 ©2000 - 2018,Jelsoft Enterprises Ltd.